ABŞ və Çin danışıqları başa çatdı – Yeni ticarət dövrü başlayır?

  ABŞ və Çin nümayəndələri Böyük Britaniyanın paytaxtı Londonda keçirilən ticarət danışıqlarını başa çatdırıblar.

Bu barədə “Reuters” agentliyi adının açıqlanmasını istəməyən amerikalı rəsmiyə istinadən məlumat yayıb.

Danışıqlarda Çin tərəfini ÇXR-in vitse-prezidenti Xe Lifen təmsil edib. ABŞ nümayəndə heyətinə isə maliyyə naziri Skott Bessent, ticarət naziri Hovard Latnik və ABŞ-ın ticarət danışıqları üzrə nümayəndəsi Ceymison Qrir daxildir.

ABŞ və Çin arasında bu formatda ticarət-iqtisadi məsləhətləşmələrin aparılması mexanizmi ilk dəfə bu il mayın 10-11-də Cenevrədə keçirilən danışıqların nəticəsi olaraq formalaşdırılıb. Həmin görüşdə tərəflər qarşılıqlı şəkildə tətbiq olunan gömrük rüsumlarının – hansı ki, may ayına qədər 100 faizi aşmışdı – qismən azaldılması barədə razılığa gəlmişdilər.

Qeyd edək ki, iyunun 5-də Çin Sədri Si Cinpin və ABŞ Prezidenti Donald Tramp telefon danışığı aparıblar. Liderlər mümkün qədər tez yeni raund ticarət-iqtisadi danışıqların keçirilməsi barədə razılığa gəliblər./Globalinfo.az