“Qarabağ” qalib gəldi - VİDEO

  "Qarabağ" komandası UEFA Çempionlar Liqasının II təsnifat mərhələsində İrlandiya "Şelburn"una qarşı cavab görüşünə çıxıb.

Referans xəbər verir ki, Tofiq Bəhramov adına Respublika stadionunda təşkil olunmuş oyun Azərbaycan təmsilçisinin qələbəsi ilə yekunlaşıb - 1:0.

Yeganə topu 44-cü dəqiqədə rəqib futbolçu Con Martin öz qapısından keçirib. 68-ci dəqiqədə isə Kadi Borges penaltini boşa verərək, "Qarabağ"ın fərqi artırmaq imkanını qaçırıb.

Bununla belə, səfər matçında da 3:0 hesablı qələbə qazandığı üçün Ağdam komandası Çempionlar Liqasının III təsnifat mərhələsinə yüksəlib. Növbəti mərhələdə rəqib "Şkendiya" (Şimali Makedoniya) - FCSB (Rumıniya) cütünün qalibi olacaq.

"Qarabağ" ilk oyununu avqustun 6-da səfərdə, cavab görüşünü avqustun 12-də evdə keçirəcək.  

***

 Matçda ev sahibləri hesabda irəli çıxıblar. Qonaqların heyətində 44-cü dəqiqədə Ceyms Norris avtoqol müəllifi olub.

***

UEFA Çempionlar Liqasının II təsnifat mərhələsində “Qarabağ” və “Şelburn” komandaları arasında keçirilən cavab görüşü başlayıb.

Referans xəbər verir ki, Tofiq Bəhramov adına Respublika Stadionunda təşkil edilən matç saat 20:00-da start götürüb.

Matçı İtaliyadan olan hakimlər briqadası idarə edir.

Qeyd edək ki, komandalar arasında İrlandiyada baş tutan ilk matçda “Qarabağ” 3:0 hesablı qələbə qazanıb. Bu cütün qalibi III təsnifat mərhələsində FKSB (Rumıniya) – “Şkendiya” (Şimali Makedoniya) cütünün qalibi ilə qarşılaşacaq.