“Qarabağ” tarixində 12-ci uğur

  “Qarabağ” tarixində 12-ci dəfə avrokuboklarda əsas mərhələdə iştirak hüququnu təmin edib.

Referans xəbər verir ki, bu, İrlandiya “Şelburn”una qarşı UEFA Çempionlar Liqasının II təsnifat mərhələsində əldə olunan qələbələrdən sonra mümkün olub.

Rəqibinə səfərdə 3:0 hesabı ilə qalib gələn Azərbaycan təmsilçisi evdə də qələbə qazanıb – 1:0. Bununla da Çempionlar Liqasının III təsnifat mərhələsinə yüksələn “Qarabağ”ın ən azı Konfrans Liqasının Liqa mərhələsində iştirak edəcəyi müəyyənləşib.