Aşan avtomobildə ölən Asəf ingilis dili müəllimi imiş – FOTOLAR

Dünən Gədəbəy rayonunun Şahdağ kəndində “Kia” markalı avtomobilin aşması nəticəsində həyatını itirən şəxslərdən biri müəllim imiş.

Referans“Qafqazinfo”ya istinadən xəbər verir ki, hadisə nəticəsində ölən 52 yaşlı Asəf Tapdıqov rayonun Çiçəkli kənd orda məktəbinin ingilis dili

müəllimi olub.

Qəzada həyatını itirən 34 yaşlı Azadə Məmmədova isə həmin məktəbin riyaziyyat müəllimi olan Rüfət Məmmədovun həyat yoldaşıdır.

Qeyd edək ki, hadisə dünən axşam saatlarında baş verib. Şəmkir rayon sakini, 1990-cı il təvəllüdlü Vüsal Məmmədov idarə etdiyi “Kia” markalı

avtomobillə hərəkətdə olarkən idarəetməni itirib və nəqliyyat vasitəsi dərəyə aşıb. Nəticədə 1991-ci il təvəllüdlü  Azadə Məmmədova və 1973-cü il

təvəllüdlü Asəf Tapdıqov hadisə yerində ölüb.

Avtomobildə olan digər 4 sərnişin müxtəlif dərəcəli bədən xəsarətləri ilə xəstəxanaya yerləşdiriliblər. Onların vəziyyəti orta-ağır qiymətləndirilir.

Faktla bağlı araşdırma aparılır.