AvropaBu ölkədə məktəbli qızlara hicab taxmaq qadağan ediləcək

   Avstriya hakimiyyəti bu payızda 14 yaşından kiçik qızlar üçün məktəblərdə hicab taxmağı qadağan etməyi planlaşdırır.

Referans xəbər verir ki, bunu respublikanın gənclər, ailə, Avropa İttifaqı və inteqrasiya üzrə naziri Klaudiya Plakolm deyib.

“Mənim üçün söhbət hansısa dinin nümayəndələri ilə bağlı deyil, qızın başında 14 yaşına qədər hicaba yer olmamasından gedir”, - deyə nazir qeyd edib. O bildirib ki, İslam dinində də belə bir tələb yoxdur.

Plakolm əlavə edib ki, hicabla bağlı rəsmi qadağa ilə yanaşı, tələbələrə psixoloji yardım göstəriləcək, o cümlədən, lazım gələrsə, valideynlərlə söhbət də aparılacaq. Bundan əlavə, məktəb uşaq və gənclərin müdafiəsi agentliklərini cəlb edə bilər./Publika.az