SON DƏQİQƏ! Türkiyədən Zəngəzur dəhlizi ilə bağlı rəsmi addım ATILDI

  Türkiyənin  Nəqliyyat və İnfrastruktur Naziri Abdulkadir Uraloğlu,  tikiləcək Qars-İğdır-Aralık-Dilucu Dəmiryolu Xəttinin təxminən 110 milyard lirə investisiyaya başa gələcəyini açıqlayıb.

 

Referans    xəbər  verir    ki, xəttin Zəngəzur dəhlizinin əsas komponenti olacağını qeyd edən Uraloğlu, "Daha əvvəl 2,4 milyard avroluq xarici kredit təmin etdiyimiz xətt ölkəmizə valyuta axını təmin edəcək. Qars-İğdır-Aralık-Dilucu dəmiryolu xəttinin tamamı təxminən 110 milyard lirəlik sərmayə ilə tikiləcək",deyə  qeyd  edib.



Nazir Uraloğlu, xəttin elektrikləşdirmə və siqnalizasiya ilə 224 kilometrlik iki yollu bir xətt olaraq inşa ediləcəyini  də  bildirib.

 

"İllik 5,5 milyon sərnişin və 15 milyon ton yük daşıma qabiliyyətinə malik olan bu xətt təkcə logistika imkanları baxımından deyil, həm də tikinti keyfiyyəti, tunel və viyadük dizaynı baxımından qabaqcıl mühəndislik nümunəsi olacaq. Xəttdə 5 tunel, 19 kəsilmiş-örtük tunel, 3 viyadük, 114 körpü, 7 yolaltı keçid daxil olacaq. Həmçinin  480 suötürücü xəttini 2029-cu ilin sonuna qədər tamamlamağı hədəfləyirik",-deyə nazir  bildirib.

 

Uraloğlu Zəngəzur dəhlizinin bölgəyə və Türkiyəyə verəcəyi strateji faydalarından da danışıb.

 
"Zəngəzur dəhlizi sayəsində Xəzər və Aralıq dənizi hövzələri arasında yeni ticarət yolu açılacaq. Avrasiyanın tədarük xətlərini gücləndirəcək bu addım Türkiyəni təkcə tranzit ölkə deyil, həm də regional inkişafın və əməkdaşlığın mərkəzinə çevirəcək. Bu, Orta Dəhlizin yükdaşıma qabiliyyətini də artıracaq. Bu layihə həm də regional təhlükəsizlik deyil, həm də dəmir yolu infrastrukturu, həm də regional təhlükəsizlik infrastrukturudur. Türkiyə isə təkcə Şərqlə Qərb arasında körpü deyil, həm də sabitlik oxuna çevrilir”,-deyə türkiyəli nazir  bildirib.